Итирии содула: уорбут төлөпүөнүн сүтэрбит
Бэрээдэк - Олох-дьаһах

Итирии содула: уорбут төлөпүөнүн сүтэрбит

Түүҥҥү кулууптарга, баардарга, эрэстэрээннэргэ көр-нар ухханыгар сынньана сылдьан, малларын сүтэрээччи куруук баар буолар — биитэр бэйэтин дьалаҕайыттан, биитэр уордаран.

edersaas.ru

Дьааҥы улууһун полициятыгар 26 саастаах кыыс эрийэн, баарга 19 тыһ. солк. сыаналаах смартфонун уордарбытын туһунан эппит. Остуолга ууран хаалларбытын, ким эрэ сойботон барбыт.

Оперативниктар уорууну арыйбыттар — 19 саастаах кыыһы уорбалаан туппуттар.

Барыллаан быһаарыынан, уорбаланааччы кыыс доҕотторун кытта баарга сынньана сылдьан, остуолга төлөпүөн сытарын көрөн, ылан сиэбигэр уктубут уонна тахсан барбыт.

Ол тахсан, дьиэлээн иһэн, итиригэр оҕустаран, уорбут төлөпүөнүн аара суолга сүтэрэн кэбиспит.

Оҥорбут буруйун билинэн, кыыс төлөпүөн харчытын суумматын эмсэҕэлээччигэ толору төлөөбүт.

Ол да буоллар, уоруу таҕыстаҕа — холуобунай дьыала тэриллибит.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

11 + тринадцать =