Сонун мобильнай сыһыарыыны, оонньууну оҥорор, роботиэхиньикэнэн, искусственнай интеллегинэн үлүһүйэр, «өйдөөх тэриллэри» айан-таҥан таһаарар дьон, IT-технологияҕа үлэлэһэр хамаандалар ким баҕалаах өттө Дьокуускайдааҕы IT паарка дистанционнай резиденнэрэ буолуохтарын сөп.
edersaas.ru
IТ-стартаптар сүрүн хайысхаларын саайтка http://it.tpykt.ru/about/infrastruktura/ киирэн көрөргүтүгэр ыҥыраллар.
Дистанционнай резидент араас тэрээһиннэргэ, семинарга, маастар-кылааска, нетворкиҥҥа, хакатоҥҥа о.д.а. кыттыаҕа. IТ паарка инфраструктуратын: коворкинг, кэмпириэнсийэ ыытар хоһу, Motion capture, Fab lab, муусука, ырыа устар студияны, VR/AR лабораторияны о.д.а. туспа олохтоммут сыананан туһаныахтара.
Бырайыагы олоххо киллэрэргэ үп-харчы буларга, грант, субсидия, венчурнай пуонда инвестициятын ыларга, араас таһымнаах быыстапкаларга кыттарга, омук делегацияларын кытта көрсөргө саҥаны айан таһаарааччыларга көмөлөһүөхтэрэ.
Саҥа резиденнэр технологическай урбаан эйгэтигэр киирэн, стартап ааптардарын кытта уопут атастаһыахтара, биржаҕа киириэхтэрэ, аныгы IТ-хампаанньа имиджин оҥостуохтара.
Интэриэһиргээбит дьон дааннайгытын bit.do/fivFn киирэн хаалларыҥ.
Билсэр төлөпүөн: 84112507193, 89681527809, rezumeproekta@gmail.com
«Саха сирэ», edersaas.ru