Дойду бэрэсидьиэнэ Владимир Путин, Ил Дархан Айсен Николаев, Дьокуускай куорат мээрэ Сардаана Авксентьева бу күннэргэ эбии хааччахтары киллэрбиттэрэ, ыарыыны тарҕаппат туһугар тэрилтэлэри сабарга ыҥырбыттара.
Кулун тутар 28 күнүттэн муус устар 5 күнүгэр диэри аптекаттан, аһылык, күннээҕи туттуллар табаар маҕаһыыннарыттан ураты аралдьытар, сынньатар, дьону аһатар, бытовой өҥөнү оҥорор тэрилтэлэр сабыллыахтаахтар. Ол эрээри, бүгүҥҥү чахчылар туоһулуулларынан сорох маҕаһыыннар тутуспаттара көһүннэ.
Өскөтүн, Дьокуускай куоракка ирдэбили кэһэн туран үлэлиир тэрилтэлэри көрдөххүтүнэ ЕДДС 8(4112) 444-251 уонна 444-229 төлөпүөнүнэн биллэриҥ. Маныаха тэрилтэ чопчу аадырыһын уонна аатын ыйар ирдэнэр дииллэр. Ирдэбили тутуспат юридическай сирэйдэр “хара испииһэккэ” киириэхтэрэ.
+1
+1
+1
+1
+1
+1
+1