Ипотека бырыһыанын тэрилтэ төлүүр

Бөлөххө киир:

Томпо улууһа урут уруккуттан бырамыысыланнас оройуонун быһыытынан биллэр. Манна «Якутуголь» хампаанньа Дьабарыкы Хайаҕа таас чоҕу хостуур. «ГеоПроМайнинг» Үөһээ Мэҥкэчэҕэ 2021 сылга фабрика тутан, сибиниэһи, үрүҥ көмүһү, итиэннэ цинк хостуохтаах.

edersaas.ru

«Полиметалл» хампаанньа Нежданинскайга улахан саппаастаах кыһыл көмүһү хостуур фабриканы тутуохтаах. Онон манна сүүһүнэн үлэһит наада буолуоҕа. Оскуола оҕолоро улуустарыттан тэйбэккэ, тиэхиньикумҥа үөрэнэн, идэ ылан, үлэнэн хааччыллар кыахтаахтар.

Бырамыысыланнас хампаанньаларын бэрэстэбиитэллэрэ: “Биһиэхэ үлэлии кэлбит дьон кэлэктиибинэй дуогабар быһыытынан, социальнай өттүнэн хааччыллыылаах буолаллар. Холобур, дьиэлэригэр, уоппускаларыгар барар айаннара сыл ахсын төлөнөр. Итиэннэ соҕуруу сынньана, чэбдигирэ барар путевка 70-80%, ипотека бырыһыанын төлөбүрүн тэрилтэ уйунуон сөп. Үлэһиттэр уонна кинилэр оҕолорун бастакы үрдүк үөрэхтэрин хампаанньа төлүүр», — диэн этэллэр.

Маннык үчүгэй усулуобуйалаах тэрилтэ тарбахха баттанар ахсааннаах . Онон билигин оскуоланы бүтэрэр, ыарахан хара үлэттэн толлубат дьоҥҥо табыгастаах кэм тосхойбут.

Марианна Тыртыкова, «Саха сирэ». edersaas.ru

+1
0
+1
0
+1
0
+1
0
+1
0
+1
0
+1
0