Бу күннэргэ инстаграм ситимигэр «Алмаасэргиэнбаан» аатыттан сымыйа страница оҥорбуттар, сурутааччы хомуйар сыалтан албын куонкурус тэрийбиттэр. Кыайыылаахха 10 мөл. солкуобай биэриэхпит диэн дьону итэҕэппиттэр. Тыһыынчанан киһи кыттыбыт. Аныгы үйэҕэ интэриниэт ситимэ сайдан, түөкүттэр да «тупсубуттар». Дьону-сэргэни араас угаайылартан сэрэхтээх буоларга ыҥырабыт. edersaas.ru
Вячеслав Стручков, «Алмаасэргиэнбаан» пресс-сулууспатын салайааччыта:
— Түөкүттэр инстаграмҥа биһиги бааммыт аатыттан сымыйа страница оҥорон, албын куонкурус тэрийбиттэрин бигэргэтэбин. Кинилэр элбэх подписчик хомуйаары, инник быһыыланнылар. Ол кэнниттэн ити страницаларын дьоҥҥо атыылыыллар. Инстаграм салалтатыгар үҥсүү-сурук түһэрдибит, түөкүттэри тутарга күүстээх үлэ ыытыллыаҕа. «Сбербаан» аатыттан эмиэ итинник страница оҥоһуллубут уонна албын куонкурус ыытыллыбыт эбит.
Николай Попов, «Саха сирэ» хаһыат, edersaas.ru