Иннокентий Сивцев: «Көмүсчүттэр социальнай хайысхалаах өйөбүлгэ үлэлэһэллэр»...
Олох-дьаһах

Иннокентий Сивцев: «Көмүсчүттэр социальнай хайысхалаах өйөбүлгэ үлэлэһэллэр»

Ил Дархан Айсен Николаев өрөспүүбүлүкэ ааспыт сыллааҕы  үлэтин-хамнаһын  хайысхаларынан ырытан чопчулаабытын Өймөкөөн улууһун баһылыга Иннокентий Сивцев хайдах ылыммытын үллэһиннэ.

edersaas.ru

Сыстыганнаах ыарыы өрө туран, саамай уустук балаһыанньаҕа түбэспит салаанан дьоҕус уонна аччыгый биисинэс  буолар.  Маныаха сыһыаннаан Иннокентий Сивцев санаатын бу курдук эттэ:

Бүгүҥҥү күҥҥэ Өймөкөөн улууһугар 279 бэйэ дьыалатын тэринэн үлэлиир урбаанньыт  баар. Улууска ордук өҥө оҥоруутун биисинэһэ, пассажирдары уонна таһаҕаһы тиэйии курдук көрүҥнэр сайдан тураллар. Хааччахтаммыт эппиэтинэстээх уопсастыба эмиэ үгүс – 119 тэрилтэ баар. Бу сүрүннээн көмүһү хостуур тэрилтэлэр. 

Өймөкөөн туризмынан сайдан эрэр улууһунан буолар. Бу эйгэни сайыннарыыга «Тымныы полюһа» туристическай кластеры сайыннарыыга Өймөкөөн уонна Томтор нэһилиэктэрин олохтоохторо үлэлэһэллэр. Улуус киинин Уус-Ньара бөһүөлэгин урбаанньыттара «Таас Кыстаабыт-Киһилээх хайаларыгар» туризмы сайыннарыыга эмиэ ылыстылар. Онон Ил Дархан отчуотугар этиллибит туһаайыы Өймөкөөн улууһун урбаанньыттарыгар эмиэ сыһыаннаах.

Маны таһынан, өссө биир өрүтү ылына истибитим  – Ил Дархан бырамыысыланнас тэрилтэлэрин өрөспүүбүлүкэ социальнай сайдыытыгар бэйэлэрин сүҥкэн кылааттарын киллэрэллэр диэн бэлиэтээһинэ. Өймөкөөн улууһугар көмүс хостуур тэрилтэлэр улуус нэһилиэктэригэр утары хайыһан, социальнай хайысхалаах өйөбүлү оҥорууга бииргэ үлэлээһиҥҥэ сөбүлэҥ түһэрсибиттэрэ. Ол түмүгэр «Ыччаты – промышленноска» бырайыагынан олохтоох ыччаттар көмүс хостуур тэрилтэлэргэ үлэлээн, үгүстэрэ уопутурдулар. Улуус бөдөҥ көмүс хостуур тэрилтэлэрэ: «Западная»– Төрүт,  «Тарын» — Томтор нэһилиэктэрин кытта сөбүлэҥ түһэрсэн, икки өрүттээхтик үлэлэһэллэр. Бу социальнай хайысхалаах үлэ салгыы ыытыллыаҕа.

Ил Дархан Айсен Николаев бэйэтин отчуотугар 2020 сылга үгүс сорук турарын ыйда. «Олох бары салаатыгар:  бырамыысыланнаска,  тыа хаһаайыстыбатыгар уонна да атын хайысхаларга олохтоох үлэһиттэр  көхтөөхтүк, кимиилээхтик ылсыахтарын наада», — диэн бэлиэтээтэ. Ити этииттэн Өймөкөөн улууһугар туһаайар буоллахха, бу сайын көмүс хостуур тэрилтэлэр ылыммыт  былааннарын толоруохтара диэн эрэнэбит. Тыа хаһаайыстыбатын  салаатыгар улууска эмиэ үлэ тэрээһиннээхтик бара турар.

Онон бары хайысхаларга  бииргэ сомоҕолоһон ылыстахпытына, үлэбит түмүктээх буоларыгар эрэнэбин.

Елена ПОТОЦКАЯ, «Саха сирэ» хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

восемь − 5 =