Инбэлииттэри үлэҕэ ыларга квота олохтонно

Бөлөххө киир:

Өрөспүүбүлүкэҕэ инбэлииттэри үлэҕэ ыларга квота олохтуохтара. Ол туһунан сокуон барылын миниистирдэр кабинеттара көрдө.

Ангелина Васильева, «Саха сирэ» хаһыат, www.edersaas.ru

“Үлэ көрдүүргэ ыарахаттары көрсөр гражданнарга үлэ миэстэин квоталааһын туһунан” 2012 сыл от ыйын 28 күнүнээҕи СӨ сокуонугар уларытыылары киллэрдилэр. Ол курдук, эбии үлэ миэстэтэ тахсарыгар 35-тэн элбэх үлэһиттээх тэрилтэҕэ 3 бырыһыан (ол иһигэр инбэлииттэргэ 2 бырыһыан) квота көрүллэр. Оттон 100-тэн тахса үлэһиттээх тэрилтэлэргэ 4 бырыһыан (ол иһигэр 3 бырыһыан инбэлииттэргэ) буолла. Урут сокуон быһыытынан, квота 100 киһилээх тэрилтэлэргэ 2 бырыһыан этэ.

Бу квотанан тэрилтэлэр салайааччылара доруобуйаларыгар хааччахтаах дьону үлэҕэ ылар эбээһинэстэннилэр. Оччотугар инбэлииттэр үлэ булаллара арыый да чэпчиэ этэ. Кистэл буолбатах, доруобуйаларыгар хааччахтаах дьон баҕарбыт үлэлэрин булалларыгар үгүс ыарахаттары көрсөллөр.
Билиҥҥи туругунан, инбэлииттэргэ 2458 үлэ миэстэтин таһаарарга былаанныыллар.

Ангелина Васильева, «Саха сирэ» хаһыат, www.edersaas.ru

+1
0
+1
0
+1
0
+1
0
+1
0
+1
0
+1
0