Ильмень күөлгэ саха саллааттарын кэриэстээтилэр
Олох-дьаһах

Ильмень күөлгэ саха саллааттарын кэриэстээтилэр

Олунньу 21 күнүгэр Саха сирин делегацията Новгородскай уобалас Старорусскай оройуонугар тиийэн, Ильмень күөлгэ баар өйдөбүнньүккэ сибэкки уурда. edersaas.ru

75 сыллааҕыта Ильмень күөл алдьархайыгар саха саллааттара хорсуннук сэриилэспиттэрэ. Маны кэриэстээн 1968 сыллаахха Улуу Новгород Старая Русса трассатыгар өрөспүүбүлүкэбит бырабыыталыстыбата өйдөбүнньүк туруорбута.

Бэҕэһээ буолбут тэрээһиҥҥэ Саха сирин Санкт-Петербурдааҕы бастайааннай бэрэстэбиитэлистибэтэ, СӨ Ыччат дьыалаларын уонна дьиэ кэргэн бэлиитикэтин министиэристибэтэ, Старорусскай оройуон бэтэрээннэрэ, оскуола үөрэнээччилэрэ, оройуон уонна Наговскай сэлиэнньэ дьаһалталара кыттыыны ыллылар. Бу күн Ильмень күөлгэ үгэскэ кубулуйбут маассабай хайыһардааһын буолла, хонуу куукуната үлэлээтэ.

Бойуннары кэрисэтиир миитиҥҥэ Старорусскай оройуон аатыттан баһылык Василий Бордовской, бэтэрээннэр сэбиэттэрин бэрэссэдээтэлэ Юрий Будылев, Саха сирин бастайааннай бэрэстэбиитэлин солбуйааччы Юрий Кравцов, Уус Алдан улууһун баһылыга Алексей Федотов тыл этиилэр. Кинилэри кытта Ильмень күөлгэ сэриилэспит саллааттар аймахтара Полина Федорова, Розалия Павлова, Саха сириттэн Санкт-Петербурга үөрэнэр ыччат уонна устудьуон «Сайдыы» тэриллиилэрин аатыттан Матрена Григорьева кэлэн тэҥҥэ сүгүрүйдүлэр, тыыннаах сибэкки дьөрбөтүн өйдөбүнньүккэ уурдулар. edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

15 + восемь =