Ил Дархан Ыччат ыһыаҕар ыалдьыттаата

Бөлөххө киир:

Бу күннэргэ Мииринэй куоракка Ыччат ыһыаҕа буола турар. Ыччаты сайыҥҥы бырааһынньыгынан эҕэрдэлии Ил Дархан Егор Борисов кэллэ.

edersaas.ru


Ил Дархан улуустар уонна холбоһуктар түһүлгэлэрин кэрийэн көрдө. Өлөөн, Мэҥэ Хаҥалас, Алдан, Ньурба ыччаттын интэриэһиргиир ыйытыыларыгар хоруйдаата.

Итиэннэ Ыччат ыһыаҕын туһунан санаатын үллэһиннэ:
Ыччаты кытта көрсөн баран, олус тэрээһиннээх уонна ситиһиилээх ыһыах буолан эрэр диэн санааҕа кэллим. Өрөспүүбүлүкэ араас муннуктарыттан 33 хамаанда кэлэн күөн көрсөн, санааларын атастаһан бараллар. Ыччат кыһалҕаларыгар болҕомто уурар туһуттан өрөспүүбүлүкэ үрдүнэн Ыччат сылын биллэрбиппит. Кырдьык, ыччат билинэринэн, бу туһугар элбэх үлэ барбыт. Ыччат ыһыахтаан күрэхтэһэр эрэ буолбатах, дойдуга тапталын үлэнэн көрдөрөр, ханнык да тэрээһинтэн туора турбакка көхтөөхтүк кыттар. Бу сыл эдэрдэри кытта элбэхтик алтыстым. Онно тыа сиригэр төннүөн,нэһилиэккэ тардыһар ыччат элбэҕин бэлиэтээтим. Онуоха болҕомто ууруохха наада. Ыһыах Мииринэйгэ буолбута саамай сөп дии саныыбын. Промышленность сайдыытын ыһыахтыы кэлбит ыччат сөҕө көрбүтэ буолуо диэн эрэнэбин.

edersaas.ru[vc_video link=»https://youtu.be/sAaNHDPYQTI» title=»Ил Дархан»]

+1
0
+1
0
+1
0
+1
0
+1
0
+1
0
+1
0