Хас биирдии норуот сыаллаах-соруктаах буолуохтааҕын туһунан Айсен Николаев «Ил Дарханныын кэпсэтии» диэн анал биэриигэ кэпсээтэ.
«Түмсүүтэ суох омук, өрөспүүбүлүкэ сайдар кыаҕа суох. Арахсыы диэн — кэхтии суола. Араарар төрүөт элбэх, араас партиялаахпыт, араас омукпут диэхпитин сөп, оттон сыал-сорук туруоран, түмүстэхпитинэ, биһигини туох да тохтоппот.
Сыалбыт култуура тула буолуон сөп. Ол тула дьон сомоҕолоһуохтаах, култуурабытын өрө тутуохтаахпыт. Билигин Арктическай киин тутуллуутун элбэх киһи утара сатыыр, харчы барар диэн. Дьиҥэр, сылынан наардаатахха, наһаа улахана суох үп-харчы тахсар. Биһиги улуу култууралаахпыт, аан дойду барыта сөҕөр-махтайар. Онно сөп түбэһэр киин, объект баар буолуохтаах. Саха киинэтиттэн саҕалаан олоҥхотугар тиийэ аан дойдуга аатыра турар. Онон, акртическай култуура киинэ хайаан даҕаны наада. Кэлэр көлүөнэлэр ону өйдүөхтэрэ дии саныыбын», — диэтэ Ил Дархан.
«Ил Дарханныын кэпсэтии» биэриини nvk-online.ru сайтка көрүөххүтүн сөп. Айсен Николаев Саха сирэ сайдыытыгар санаатын, бэйэтин көрүүтүн, үлэтин туһунан кэпсээтэ уонна олоххо-дьаһахха, норуот инникитигэр анаарыыларын үллэһиннэ.
nvk-online.ru сайтан.
#саха_нких_сонуннара