Ил Дархан Дьааҥы уонна Муома улуустарыгар муниципалитеттар икки ардыларынааҕы таһымнаах ык...
Олох-дьаһах - Тыа сирэ

Ил Дархан Дьааҥы уонна Муома улуустарыгар муниципалитеттар икки ардыларынааҕы таһымнаах ыксаллаах быһыыны-майгыны биллэрдэ

Дьааҥы уонна Муома оройуоннарыгар муниципалитеттар икки ардыларынааҕы таһымнаах “ыксаллаах быһыы-майгы” режимэ биллэрилиннэ.


“Саха сиринээҕи сирдээҕи-уоттааҕы тиһигин иһинээҕи салайар уорганнарыгар уонна күүстэригэр  ыксаллаах быһыыны-майгыны сэрэтиигэ уонна туоратыыга биир кэлим судаарыстыбаннай тиһигин муниципалитеттар икки ардыларынааҕы таһымнаах “Ыксаллаах быһыы-майгы” режимин  Саха Өрөспүүбүлүкэтин Дьааҥы уонна Муома оройуоннарын сиригэр-уотугар олохтуур туһунан” Ыйаахха бэс ыйын 25 күнүгэр Саха сирин баһылыга Айсен Николаев илии баттаата.

Докумуонунан икки улууска ыксаллаах быһыыны-майгыны сэрэтэр уонна туоратар биир кэлим судаарыстыбаннай тиһик Саха сиринээҕи сирдээҕи-уоттааҕы тиһигин иһинээҕи салайар уорганнар уонна күүстэр туһааннаах дьайыыны ылыналларыгар муниципалитеттар икки ардыларынааҕы таһым олохтонно.

Дьааҥы оройуонугар айылҕаҕа 11 баһаар таҕыста, итинтэн 4 бохсулунна.  Муомаҕа 8 уот турбута бэлиэтэннэ.

Бүгүн бастакы вице-премьер Алексей Колодезников иһитиннэрбитинэн, нэһилиэнньэлээх пууннарга куттал суоһаабат. Ол эрээри бу оройуоннарга баһаар суоһуур кутталын таһыма улаатыыта бэлиэтэнэр. Дьааҥыга айылҕаҕа уот туруутун сүрүн биричиинэлэригэр киһи сыһыаннааҕын ыйда, чуолаан – хонтуруола суох ыытыллыбыт тыа хаһаайыстыбатын өртөөһүнүн.

Санатан эттэххэ, Айсен Николаев Дьааҥыга баһаары умулларыыга өрөспүүбүлүкэ саппаас фондатыттан үп көрүллүөҕэ, МИ-8 бөртөлүөт туһаныллыа диэн этэн турар. Саха сирин баһылыга маны сэргэ, кини Арассыыйа айылҕа ресурсаларыгар уонна экологияҕа миниистирэ Дмитрий Кобылкины кытта көрсүһүүтүн түмүгүнэн, айылҕа баһаардарын умулларыыга уонна федеральнай бүддьүөттэн анал тиэхиньикэни ылыыга эрэгийиэҥҥэ эбии үбү биэрэр туһунан Арассыыйа Бырабыыталыстыбатын уурааҕа бэлэмнэнэрин туһунан эттэ.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Хаартыска:  интэриниэттэн

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

два × четыре =