Сарсын Айсен Николаев бэрэсидьиэн эбээһинэһигэр киирбитэ икки сыла буолар

Бөлөххө киир:

Сарсын, ыам ыйын 28 күнүгэр, Ил Дархаммыт Айсен Сергеевич Николаев Саха Өрөспүүбүлүкэтин Аҕа Баһылыгын эбээһинэһигэр киирбитэ икки сыла буолар.

Биир дойдулааҕа, Үөһээ Бүлүү улууһун Балаҕаннаах нэһилиэгин баһылыга Степан Иванович Дмитриев тус санаатын үллэстэр:

Айсен Сергеевич үлэҕэ киирэр күнүн үөһэ айбыт таҥаралара өйөөннөр айылҕабыт ол күн тыалынан, силлиэнэн уруйдаан көрсүбүтүн бары өйдүүбүт! Улахан айылҕаттан айдарыылаах, ыйаахтаах, аналлаах салайааччылар кэлэллэрэ оннук биллэр. Икки сыл ааста, элбэх үлэ барда. Айсен Сергеевич рейтинг көрдөрүүтүнэн, Арассыыйа губернатордарын ортотугар элбэх суолталаах инвестиционной бырайыактары быһааран, ол иһигэр Хотугу Илин федеральнай уокурук социальнай-экономическай сайдыытыгар ураты стратегическай суолталаах Өлүөнэ өрүс муостатын тутуутун үбүлээһинин боппуруоһун Арассыыйа Бэрэсидьиэнэ Владимир Путин быһаччы өйөөн тутуллар буолла. Ити да, атын да үлэлэр түмүктэринэн, Айсен Сергеевич бастыҥ регион салайааччытын үрдүк ааты ылары ситистэ.

Урукку өттүгэр кыаллыбатах Ньурба улууһун Мархатын туоруур муоста үлэҕэ киириитэ, Үөһээ Бүлүү анныгар Бүлүү эбэни туоруур муоста тутуллуутугар 20 млрд үбүлээһин көрүллүүтэ, быһаарыллыыта – биир дойдулаахпыт Айсен Сергеевич үрдүк таһымын, Россия бастыҥ регионун аатын ылбытын чаҕылхай туоһута буолаллар!

Үөһээ Бүлүү улууһун Өрөспүүбүлүкэтээҕи гимназия интэринээтин үлэҕэ киллэриитэ, 2022 сылга Олоҥхо оонньуулара Үөһээ Бүлүүгэ ыытыллар буолбуттара дойдутун дьонун-сэргэтин өйүүрэ көстөр.

2021 сылтан кэтэх хаһаайыстыба ыанар ынаҕын төбөтүгэр 35 тыһыынча солкуобай субсидия уонна тэрээһиннээх хаһаайыстыбалар туттарар үүттэрин 1 киилэтигэр 50 солкуобай бэриллэр механизмын оҥорбута, Ил Дархан Айсен Сергеевич тыа хаһаайыстыбатын дириҥник өйдүүрүн, тыа хаһаайыстыбатын ветераннарын, үлэ үөһүгэр сылдьар дьону кытта ыга сибээстээхтик алтыһан, сүбэлэһэн муударай, тыа сиригэр олус туһалаах тыа дьонугар быһаччы тиийэр үбүлээһин механизмын быһаарбыта буолар.

Айсен Сергеевичка, сыралаах үлэтигэр өссө төгүл айымньылаах үлэни, ситиһиилэри, дьиэ кэргэнигэр дьолу-соргуну баҕарабыт!

Үөһээ Бүлүү улууһун «Балаҕаннаах нэһилиэгэ» МТ баһылыга Степан Дмитриев.

ulus.media саайтан.

+1
0
+1
0
+1
0
+1
0
+1
0
+1
0
+1
0