Ил Дархан социальнай ситимнэргэ быһа эпиирдээтэ
Олох-дьаһах

Ил Дархан социальнай ситимнэргэ быһа эпиирдээтэ

Бүгүн, кулун тутар 26 күнүгэр, Ил Дархан Айсен Николаев социальнай ситимнэргэ быһа эпиирдээтэ.

Айсен Сергеевич биир чаас устата быһа эпиир кэмигэр кэлэр нэдиэлэ өрөбүлүнэн биллэриллибитин, туох миэрэлэр ылыллыбыттарын кэпсээтэ, сурутааччыларын ыйытыыларыгар хоруйдаата.

Сурутааччылар ыйытыыларын уонна онно Ил Дархан хоруйдарын бэчээттиибит.

Ыйытыы: Өлүүлэһэн тутууга албыннаппыт дьон Тутуу министиэристибэтигэр тиийбиппитигэр, коронавируһунан киллэрбэтилэр. Хайдах буолабыт?

Хоруй: Тастан үлэлээн бу боппуруоһу быһаарыахтара дии саныыбын.

Ыйытыы: Тимир суол ыстаансыйата үлэлиэ дуо?

Хоруй: Тырааныспар үлэтэ тохтообот, ыстаансыйа сабыллыбат, сөмөлүөттэр көтөллөр. Уоппускаҕа сылдьыбыт биир дойдулаахтарбыт, атын куораттарга үөрэнэр устудьуоннарбыт дьиэлэригэр кэлиэхтэрин наада.

Ыйытыы: Тоҕо Кытайтан мааска атыылаһабытый?

Хоруй: Кытайтан биэс мөлүйүөн маасканы атыыластыбыт. Дойду үрдүнэн күҥҥэ балтараа мөлүйүөн мааска оҥоһуллар. Онно уочаракка турабыт.

Ыйытыы: Биир кэлим эксээмэн дааталара уларыйыахтара дуо?

Хоруй: Бу дойду таһымыгар быһаарыллар боппуруос. Баҕар, дааталара уларыйыахтара.

Ыйытыы: Сааскы кус бобуллуо дуо?

Хоруй: Кус бобуллубата буолуо диэн саныыбын. Кус уонна коронавирус сыһыана суохтар.

Ыйытыы: Коронавирус кэмигэр дьиэбититтэн олорон үлэлиирбитигэр хамнас быһыллар дуо?

Хоруй: Суох, быһыллыа суохтаах. Туох эмит кыһалҕаны көрүстэххитинэ Үлэ иниспиэксийэтигэр биллэриҥ.

Ыйытыы: Коронавируһу кытта охсуһарга үппүт тиийэр дуо?

Хоруй: Үп-харчы тиийэр. Федеральнай да, өрөспүүбүлүкэ да тыһымыгар харчы көрүллэр.

Ыйытыы: Нолуок иниспиэксийэтэ үлэлиир дуо?

Хоруй: Билигин үгүс тэрилтэлэр дьиэттэн олорон үлэлииллэр. Килийиэннэри кытта хантаактаспакка үлэлиэхтээхтэр.

Ыйытыы: Өлүөхүмэҕэ Олоҥхо ыһыаҕа ыытыллыа дуо?

Хоруй: Бу боппуруоһу биир ыйынан быһаарыахпыт.

Ыйытыы: Кыайыы күнэ ыытыллыа дуо?

Хоруй: Онуоха диэри ыарыы ааһара буоллар диэн эрэнэбин. Билиҥҥитэ, бу бэлиэ күн хайдах быһыылаахтык ыытылларын билбэппин.

Быһа эпиири сиһилии Ил Дархан социальнай ситимнэригэр киирэн көрүҥ.

edersaas.ru

СИА хаартыската.

 

 

 

 

 

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

13 + два =