Икки киһини өлөрүүгэ уорбаланааччылар хаайылыннылар

Ааптар: 
Бөлөххө киир:

Бу ынырык быһылаан ыам ыйын 29 күнүгэр Мииринэй оройуонун Айхал бөһүөлэгэр таҕыста — икки киһини сүгэнэн кэрдэн өлөрдүлэр.

edersaas.ru

РФ Силиэстийэлиир кэмитиэтин Саха сиринээҕи управлениета иһитиннэрбитинэн, бу чахчынан РФ Холуобунай кодекстаын 105-с ыст. 2-с чааһын «а» пуунунан, ол эбэтэр, икки киһини соруйан өлөрүү бэлиэтэ баарынан, холуобунай дьыала тэрилиннэ.

Силиэстийэ сабаҕалыырынан, икки киһи өлүгүн ыам ыйын 29 күнүгэр, сарсыарда 10.30 мүн. саҕана Айхал бөһүөлэгин «Шина» гараастары тутар кэпэрэтиип сиригэр-уотугар булбуттар.

Өлүөхсүттэр «Айхал» хайа-байытар кэмбинээт руднигын үлэһиттэрэ эбиттэр. Сүгэнэн кэрдэн өлөрбүттэр…

Суһал-ирдиир тэрээһин кэмигэр бу ыар буруйу оҥорууга икки уорбаланааччыны туппуттар — урут сууттана сылдьыбыт 40 уонна 33 саастаах дьон СИЗО-ҕа хаайыллыбыттар.

Биһиги корр., «Саха сирэ» хаһыат, edersaas.ru

Хаартыска: РФ СК Саха сиринээҕи управлениета.

+1
0
+1
0
+1
0
+1
0
+1
0
+1
0
+1
0