Хоролор, аллыҥалар уонна уһун күөллэр түргэн интэриниэтинэн туһаныахтара
«Ростелеком» хампаанньа Сунтаар улууһун Хоро, Уһун Күөл уонна Аллыҥа сэлиэнньэлэригэр «Домашний интернет» диэн тарыыбы уонна «Интерактивное телевидение» диэн өҥөнү киллэрдэ.
edersaas.ru
Саҥа тарыыпка холбоммут абоненнар интэриниэтинэн хааччаҕа суох туһаныахтара. Бу тарыыпка ким баҕарар көһөр кыахтаах. Оттон «Ростелекомҥа» саҥа холбонооччуларга хампаанньа 10 бырыһыаннаах чэпчэтиини оҥорор. Сиһилии иһитиннэриини www.sakha.rt.ru саайтка киирэн, биитэр 8 800 100 08 00 төлөпүөҥҥэ эрийэн билиэххэ сөп.
Онтон «Интерактивное телевидение» диэн өҥөҕө холбоммут дьон 280 ханаалы көрөллөрүн таһынан, өссө «Управление просмотром» сервиһинэн туһанар кыахтаахтар. Бу сервискэ холбоммуттар хаһан баҕарар көтүппүт киинэлэрин, сөбүлүүр биэриилэрин көрүөхтэрин сөп.
Санатан эттэххэ, бу иннинэ Хоро, Уһун Күөл уонна Аллыҥа олохтоохторо спутник нөҥүө сибээһинэн туһаналлара. Кытыы сытар нэһилиэктэр түргэн сырыылаах интэриниэтинэн уонна хаачыстыбалаах сибээһинэн туһаналларын курдук, “Ростелеком” оптика утаҕын тутан үлэҕэ киллэрдэ.
edersaas.ru