Хомуурга устудьуоннар көмөлөһөллөр

Ааптар: 
Бөлөххө киир:

Хас күһүн ахсын Саха судаарыстыбаннай тыа хаһаайыстыбатын академиятын уонна Тыа хаһаайыстыбатын техникумун устудьуоннара хаһаайыстыбаларга араас үлэҕэ көмөлөһөллөр, онон тыа хаһаайыстыбатын сайдыытыгар кырата суох кылааттарын киллэрэллэр.

edersaas.ru

Билигин академия 400 устудьуона Амма, Нам, Өлүөхүмэ улуустарыгар, Дьокуускай куорат таһынааҕы хаһаайыстыбаларга, оттон техникум 95 устудьуона Хаҥалас Хачыкаатыгар “Овощевод” кэпэрэтипкэ уонна Үс Хатыҥҥа “Охлопков” бааһынай хаһаайыстыбаҕа бурдук, хортуоппуй хомууругар көмөлөһөллөр.


ССТХА сүүрбэ устудьуона  “Амматааҕы” АУо бааһынатыгар, биир оччо  киһи Мэҥэ Хаҥалас улууһугар бүтэй тутуутугар үлэлии-хамсыы сылдьаллар. Өлүөхүмэҕэ 200 устудьуон «Саҥыйахтаах» кэпэрэтиипкэ хортуоппуй хостууллар.


Академия да, техникум да салалталара бэлиэтииллэринэн, маннык үлэлииллэрэ эдэр дьоҥҥо тыа хаһаайыстыбатын үлэтин-хамнаһын чугастык билсэллэригэр, быһата, идэлэрин баһылыылларыгар тирэх буолар. Оттон устудьуоннар көхтөөх үлэ кинилэри түмэрин, элбэххэ үөрэтэрин билэр буоланнар, тыаҕа үөрүүнэн бараллар.

Раиса Сибирякова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0