Өрөспүүбүлүкэ холуонньаларыгар буруйдарын боруостаан олорооччулар Саҥа дьыл бырааһынньыгын эмиэ бэлиэтээтилэр — харыйа туруоран, кулуубу, остолобуойдарын киэргэтэн. Бу туһунан РФ Накаастабылы толорор федеральнай сулууспатын Саха сиринээҕи управлениетын (УФСИН) пресс-сулууспата иһитиннэрдэ.
Вера МАКАРОВА, «Саха сирэ», https://edersaas.ru/
Манна холуонньаларга баар Төрөппүт сэбиэттэрэ көхтөөхтүк кытыннылар. Ол курдук, араас куонкурустары, викториналары тэрийэн, Саҥа дьыллааҕы сценкалары, кэнсиэрдэри туруоран, бэркэ сэргэхситтилэр. Ону тэҥэ, хаайыылаахтар саахымакка, дуобакка, наардаҕа, гиирэни анньыыга уонна мас тардыһыытыгар күрэхтэстилэр.
Бырааһынньыктааҕы менюга оҕуруот аһыттан салааты, балык уонна эт кэтилиэттэри, бурдук аһын эбии киллэрбиттэр.
Маны сэргэ, Дьокуускай уонна Ленскэй епархиятын, евангельскай христианнар тэрилтэлэрин бэрэстэбиитэллэрэ сырыттылар. Беларусь Өрөспүүбүлүкэтиттэн кэлэ сылдьар вокальнай-инструментальнай ансаамбыл кэнсиэр көрдөрдө.
Вера МАКАРОВА, «Саха сирэ», https://edersaas.ru/
Хаартыскалар: УФСИН пресс-сулууспата.