— 2019 сыллаахха үс сылга тиийбэт кэмҥэ олорбут кыбартыырабын атыылаабытым. Харантыын туран, 2020 сыл муус устар 30 күнүгэр диэри кыайан отчуот түһэрбэтэҕим. Билигин 3-НДФЛ декларацияны биэриэхпин сөп дуо? Уонна электроннай көрүҥүнэн ыытабын дуо?
Н.Семенов.
Хоруйдуур Арассыыйа ФНС СӨ оройуоннар икки ардыларынааҕы 5 №-дээх иниспиэксийэтин нолуогу төлөөччүлэри кытта үлэҕэ отделын нолуокка кылаабынай иниспиэктэрэ Елена Слепцова:
— Харантыынынан сибээстээн, 2019 сылга ылбыт дохуоккут туһунан 2020 сыл от ыйын 30 күнүгэр диэри отчуоттуоххутун сөп (бу болдьох РФ Бырабыыталыстыбатын уурааҕар олоҕуран уһаата).
3-НДФЛ декларацияны www.nalog.ru саайтка “Личный кабинет налогоплательщика физического лица” электроннай сервис көмөтүнэн толорон ыытар табыгастаах. Тус кэбиниэккэ киирии Госөҥө паролун эбэтэр нолуок иниспиэксийэтигэр ылбыт парольгут көмөтүнэн оҥоһуллар.
Женни СТРЮКОВА бэлэмнээтэ
Хаартыска: интэриниэт