А.Е.Кулаковскай аатынан норуоттар доҕордоһууларын дьиэтэ СӨ Тас сибээскэ уонна норуоттар дьыалаларыгар министиэристибэ өйөбүлүнэн Улуу Кыайыы 75 сылыгар аналлаах хоһоон суруйуутугар өрөспүүбүлүкэтээҕи аһаҕас куонкуруһу биллэрэр.
«О войне написано не все» диэн күөн күрэскэ самодеятельнай ааптар-бэйиэттэр кытталлар.
Үлэлэри тутуу ыам ыйын 29 күнүгэр диэри ыытыллар.
Бэстибээл өрөспүүбүлүкэ олохтоохторугар поэзияҕа интэриэһи уһугуннарар, дьоҕурдаах, талааннаах дьону булан ылар, өйүүр, Саха сиригэр олорор норуоттарга, бары көлүөнэлэргэ гражданскай-патриотическай тыыны иҥэрэр, өй-санаа өртүнэн ыччаты угуйар, сомоҕолуур соруктаах ыытыллар.
Күрэс түмүгүнэн бастыҥ хоһооннор талыллан хомуурунньукка киллэриллэллэр.
Куонкурус сүрүн сыала:
Талааннаах дьону булан ылыы. Айар үлэҕэ көҕүлээһин, өйөбүл буолуу. Литератураҕа интэриэһи уһугуннарыы.
Куонкуруска суруйааччылар сойуустарыгар чилиэн буолбатах, 18-тан үөһээ саастаах самодеятельнай ааптардар кытталлар.
Күөн күрэс икки номинациянан ыытыллар:
- «Нуучча тылынан суруллубут хоһоон»;
- «Сахалыы суруллубут хоһоон».
Күрэскэ кыттыан баҕалаахтар Улуу Кыайыы, дьоруойдуу быһыы, ийэлэргэ, сэрии сылларын оҕолоругар анаммыт бэйэлэрэ айбыт 1-3 хоһооннорун ыыталлар.
Биир хоһоон уһуна А4 илиискэ батар буолуохтаах. Хоһоон устуруокатын икки арда (интервала) – одинарнай; Куонкуруска ыытыллыбыт үлэлэр төннөрүллүбэттэр. Куонкуруска кыттааччылар усунуос — 300 солк. төлүүллэр.
Күөн күрэскэ кыттыан баҕалаахтар сайаапкаҕытын etnokultsektor@mail.ru (куонкуруска диэн бэлиэтээн) ыытаҕыт. Координатор Коркина Ираида Федоровнаҕа 8(914)1027856 төлөпүөҥҥэ эрийэн ыйытыыларгытыгар хоруйдары ылыаххытын сөп.
