ХИФУ: докумуону электроннайынан эрэ ылабыт

Ааптар: 
Бөлөххө киир:

М.К.Аммосов аатынан Хотугулуу-Илиҥҥи федеральнай университекка докумуону тутуу бэс ыйын 20 күнүттэн саҕаланыаҕа диэн проректор Михаил Федоров иһитиннэрдэ.

edersaas.ru

ХИФУ-га быйыл докумуону тутуу бэс ыйын 20 күнүттэн саҕаланар. Бүтэһик биир кэлим эксээмэн түмүгэ биллибитэ 23 күн кэнниттэн докумуону тутан бүтэбит. Докумуону электроннай ньыманан эрэ ылабыт, буостанан эҥин туппаппыт”, — диэн университет проректора Михаил Федоров Якутия 24 ханаалга “Актуальное интервью” биэрии кэмигэр эттэ.

Хас биирдии үөрэнээччи докумуонун электроннай формакка көһөрөрө кыаллымыан, докумуонун ыытарыгар интэриниэтэ суох буолуон сөп. Онон оскуолалар бүтэрээччилэригэр тиһэҕэр тиийэ көмөлөһөллөрүгэр эттэ.

Урукку даҕаны сылларга тас дойдуга олорооччулартан «скайпынан» эксээмэни тутар этибит. Быйыл нуучча тылын, математиканы, атын даҕаны биридимиэттэри дистанционнай ньыманан тутуохпут. Нуучча тылын эксээмэнин тыһыынчаттан тахса, математиканы 700-800 киһи туттарааччы. Маны хайдах туттарарга консультациялары биэриэхпит диэн иһитиннэрдэ.

Сыллата экэниэмикэҕэ, юриспруденцияҕа үрдүк куонкурустаах. Олус үрдүк бааллаахтар туттарсаллар. Былырыын математика, информатика институтутугар чопчу ИТ хайысхаларыгар куонкурус үрдүк этэ. Уонна тиэхиньиичэскэй хайысхаҕа сыллата эбиллэн иһэр. Итиэннэ атын үөрэх кыһаларынааҕар педагогикаҕа, мэдиссиинэҕэ куонкурус биһиэхэ үрдүк”, — диэн быһаарда.

Онон быйыл үөрэххэ туттарсааччылар докумуоннарын барытын эрдэттэн электроннай барыйааҥҥа көһөрөллөрө итиэннэ ХИФУ саайтын көрөллөрө ордук.

Людмила ПОПОВА, edersaas.ru

+1
0
+1
0
+1
0
+1
0
+1
0
+1
0
+1
0