Харбинтан кэлбит сөмөлүөккэ бэрэбиэркэ тугу көрдөрдө?

Бөлөххө киир:

“Дьокуускай” куорат аэропордугар өрөспүүбүлүкэ таһыттан кэлэн түһэр сөмөлүөттэргэ санитарнай-эпидемиологическай хонтуруол күүскэ оҥоһуллар. Тохсунньу 30 күнүгэр Харбин куораттан кэлбит сөмөлүөккэ термометрия бэрэбиэркэтэ оҥоһуллубутугар, үрдүк кыраадыстаах уонна ОРВИ сибикилэрдээх пассажирка булулунна.

edersaas.ru

“Суһал көмө” биригээдэтэ кэлэн, ыарыһах Дьокуускай куорат инфекционнай балыыһатыгар киллэрилиннэ. Кини анаалыстара (ол иһигэр, коронавирус инфекциятыгар) лабораторияҕа бэрэбиэркэҕэ ыытылыннылар.

Бу рейс пассажирдара олорор сирдэринэн поликлиникаларын кэтээн көрүүтүгэр сылдьыахтара. Сөмөлүөт иһигэр ыарыы өрө туруутун утары охсуһар наадалаах дьаһаллар ыытылыннылар.
2020 сыл тохсунньу 1 күнүттэн омук сириттэн кэлэр 14 рейс, 1300-тэн тахса пассажир уонна экипаж чилиэннэрэ бэрэбиэркэлэннилэр.

Надежда ЕГОРОВА, “Саха сирэ”, edersaas.ru

+1
0
+1
0
+1
0
+1
0
+1
0
+1
0
+1
0