Ынах сүөһүгэ искусственнайдык сиэмэлээһини тэрийиигэ эппиэттээх “Сахаагромплем” судаарыстыба бүддьүөтүн тэрилтэтэ быйылгыттан бу салааҕа бэтэринээрдэри кытары үлэлиир.
edersaas.ru
«Сахаагроплем» исписэлиистэрэ – Саха Өрөспүүбүлүкэтин үтүөлээх зоотехнига, тыа хаһаайыстыбатын туйгуна Татьяна Протопопова уонна Наталья Неустроева бу күннэргэ Хаҥалас улууһугар тахсан үлэлээтилэр.
Бэтэринээринэй учаастактар бэтэринээр быраастарын, барыта 19 киһини, ынаҕы искусственнайдык сиэмэлээһин кистэлэҥнэригэр үөрэттилэр.
Харанай дьаҥынан сибээстээн хааччахтыыр дьаһал киллэриллибитинэн, теория өттүгэр үөрэтиини тэйиччиттэн олорон, Zoom бырагырааматынан ыыппыттара, ол эбэтэр сиэмэни ириэрии, ынахтары сиэмэлээһин, учуоту уонна отчуоту оҥоруу туһунан лиэксийэ ааҕан иһитиннэрбиттэрэ.
Оттон тутан-хабан үөрэтиини миэстэҕэ тэрийдилэр. Маннык сэминээрдэр Нам уонна Горнай улуустарыгар эрдэ ыытыллыбыттара.
Раиса Сибирякова, «Саха сирэ» хаһыат, edersaas.ru