Быйыл урукку сыллардааҕар халлаан улаханнык тымныйа илик. Сорох улуустарга хаар өлгөмнүк түһэн, Арктика уонна хоту улуустарыгар массыына суола арыый да хойутаан аһыллар чинчилээх.
Аллараа Халыма улууһун Халыма сэлиэнньэтин электростанциятыгар уматык саппааһа лаппа аҕыйаан, тохсунньу 7 күнүттэн электричество ноҕоруускатын намтаппыттарын туһунан «Саханэнерго» хампаанньа пресс-сулууспата иһитиннэрдэ.
Бу күннэргэ вездеходтарынан уонна снегоходтарынан 3 тонна уматыгы тиэйдилэр. Тыҥааһыннаах балаһыанньа үөскээбэтин туһуттан, уматыгы бөртөлүөтүнэн тиэйии соруга турда.
Анивера АКИМОВА, «Саха сирэ» хаһыат, edersaas.ru
Хаартыска: интернеттэн
+1
+1
+1
+1
+1
+1
+1