Аны саас өрөспүүбүлүкэ эбэлэрэ унньуктаах уһун кыһыны супту хам ылан турбут халыҥ муус болгуоттан босхолоннохторуна, Өлүөнэ, Алдан, Амма, Дьааҥы, Халыма өрүстэргэ харыы тахсыан сөп. Эмискэ тоҕо барбыт халаан уута 22 улуус нэһилиэктэригэр саба халыйан киириэн сөп. Ол туһунан СИА уонна СӨ Нэһилиэнньэҕэ куттал суох буолуутун хааччыйар судаарыстыбаннай кэмитиэт иһитиннэрэллэр.
edersaas.ru
Соҕуруу уонна киин улуустарга халаан уутун таһыма орто көрдөрүүттэн үрдүк буолара күүтүллэр. Хоту сир сииктээх, элбэх уулаах тоҥон уонна аҕыйах хаар түһэн, харыы тахсан, уу таһыма таһыччы үрдүүр чинчилээх.
Сыл ахсын муус харар сиригэр Өлүөнэ, Алдан, Амма, Дьааҥы, Халыма өрүстэргэ, итиэннэ Халыма улуустарыгар, Эбээн Бытантайга, Аллайыахаҕа, Анаабырга, Дьааҥыга, Усуйаанаҕа, Өймөкөөҥҥө, Ленскэйгэ, Өлүөхүмэҕэ, Хаҥаласка, Мэҥэ Хаҥаласка, Намҥа, Кэбээйигэ, Уус Маайаҕа, Томпоҕо, Уус Алдаҥҥа, Аммаҕа, Чурапчыга, Тааттаҕа уонна Дьокуускай куоракка тыҥааһыннаах балаһыанньа үөскүөн сөп.
Халаан уутун аһарыы туһунан иһитиннэрии өссө муус устарга чуолкайданыаҕа.
Марианна Тыртыкова, «Саха сирэ», edersaas.ru
+1
+1
+1
+1
+1
+1
+1