Халаан уута оҕолор эксээмэн туттаралларыгар мэһэйдээбэт...
Олох-дьаһах

Халаан уута оҕолор эксээмэн туттаралларыгар мэһэйдээбэт

СӨ үөрэҕин уонна наукатын миниистирин эбээһинэһин толорооччу Михаил Присяжнай бүгүн суруналыыстары кытта 2018 сыллааҕы тус сыаллаах үөрэхтээһин тула кэпсэтии кэмигэр халаан уута оҕолор биир кэлим эксээмэни туттаралларыгар мэһэйдээбэт диэн иһитиннэрдэ.

edersaas.ru

Михаил Присяжнай суруналыыс ыйытыытыгар хоруйдууругар үгүс нэһиэлиэнньэлээх пуун өрүс кытыытыгар баарын ыйда. Онон олохсуйбут боппуруос буолан, сыллата хас биирдии хамсаныытыгар тиийэ быһаарыллан турарын санатта.

Оскуоланы бүтэрээри сылдьар оҕолорго эксээмэн туттарыы эрэ буолбакка, эксээмэн иннинэ үөрэх хаамыытын тохтоппот курдук усулуобуйаны олохтооһун — сүрүн боппуруос буолар. Холобура, Хаҥалас икки нэһилиэнньэлээх пуунуттан оҕолору өссө эрдэ көһөртөөбүттэрэ. Үөрэх хаамыыта тохтообот. Усулуобуйа олохтоммута”, — диэн бэлиэтээн эттэ.

Итини тэҥэ ууга барбыт уонна барыан сөптөөх уопсайа 18 нэһилиэнньэлээх пуун хас биирдии оҕото ханна эвакуацияламмытын, аймахтарыгар олорорун дуу, эвакуационнай пууҥҥа түспүтүн дуу барытын билэн олороллорун иһитиннэрдэ. Итиэннэ ыксал үөскүүр түгэнигэр эксээмэннэри ыытарга саппаас барыйааннар толкуйдаммыттарын эттэ.

Санатар буоллахха, биир кэлим эксээмэннэр ыам ыйын 28 күнүттэн саҕаланаллар. Быһатын эттэххэ, миниистир эбээһинэһин толорооччу быһаарбытынан, халаан уута оҕолор эксээмэни туттаралларыгар харгыстары үөскэппэт.

 

Людмила ПОПОВА, “Саха сирэ” хаһыат, edersaas.ru

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

9 + 7 =