Экстремал-спортсмен Валерий Самойлов салайар Улуу Кыайыы 75, Ийэ дойдуга бэриниилээх буолуу, Булуҥ улууһа төрүттэммитэ 90 үбүлүөйдээх сылларыгар анаммыт Дьокуускай-Дьааҥы-Тиксии хайысханан хайыһарынан айаҥҥа туруммут биэс экстремал-хайыһардьыт бүгүн, ыам ыйын 9 күнүгэр, Тиксиигэ тиийдилэр.
edersaas.ru
«Эдэр саас» саайт уопсастыбаннай кэрэспэдьиэнэ Ирина Бурцева бу курдук иһитиннэрдэ:
— Хайыһардьыт уолаттар, кырдьык да, үтүө дьыаланан суолталаах событиеларга анаммыт — Улуу Кыайыы 75, Ийэ дойдуга бэриниилээх буолуу, Булуҥ улууһа төрүттэммитэ 90 үбүлүөйдээх сылларыгар бэйэлэрин дьоруойдуу холобурдарын көрдөрдүлэр. Хайыһардьыттары бастакынан буухтаҕа хаалыгынан хаама сылдьар дьон көрсүбүттэр.
Хорсун санаалаах спортсменнар кинилэри биир дойдулаахтара өйөөбүттэригэр дириҥ махталларын тиэрдэллэр. Хайыһардьыттар бу сырыыларын туһунан кинигэ таһаарыахтара, араас көрсүһүүлэри ыытыахтара.
Эр санаалаах спортсменнары дьоруойдуу сырыыларын этэҥҥэ түмүктээбиттэринэн Ил Түмэн дьокутааттара Владимир Членов уонна Елена Голомарева социальнай ситимнэргэ эҕэрдэлээтилэр.
Елена ПОТОЦКАЯ, «Саха сирэ» хаһыат, edersaas.ru
Хаартыска — Ирина Бурцева тиксэриитэ.