Хаайыылаахтар консультация ыллылар

Ааптар: 
Бөлөххө киир:

Ленскэй куораттааҕы 8 №-дээх ураты эрэсиимнээх холуонньаҕа буруйдарын боруостаан олорооччуларга быраабы билии күнэ ыытылынна. 

edersaas.ru

Кинилэргэ юридическай сүбэлэри биэрэ диэн, холуонньа дьаһалтатын ыҥырыытынан, РФ Биэнсийэҕэ пуондатын Саха сиринээҕи управлениетын Ленскэй оройуонунааҕы салаатын начальнигын солбуйааччы Андрей Киль итиэннэ Ленскэй куорат дьаһалтатын эпиэкэҕэ уонна попечительствоҕа салаатын испэсэлииһэ Елена Тимошина сырыттылар. Ону тэҥэ, холуонньа туһааннаах сулууспаларын үлэһиттэрэ эмиэ кытыннылар.

Хаайыылаахтар, сүрүннээн, биэнсийэ анааһынын, босуобуйа докумуоннарын толоруу, босхолонон тахсыбыт дьоҥҥо оҥоһуллар көмөлөр тустарынан ыйыталастылар. Онно барытыгар толору хоруйдары ыллылар.

Көрсүһүү бүтүүтүгэр, кинилэргэ биэнсийэ туһунан туһалаах буклеттары түҥэттилэр.

Бу туһунан РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыскалар: РФ Накаастабылы толорор федеральнай сулууспатын Саха сиринээҕи управлениетын пресс-сулууспата. 

+1
0
+1
0
+1
0
+1
0
+1
0
+1
0
+1
0