Хаайыылаахтар эксээмэн туттардылар
Бэрээдэк - Олох-дьаһах

Хаайыылаахтар эксээмэн туттардылар

Бу күннэргэ өрөспүүбүлүкэ холуонньаларын оскуолаларыгар уонна учебнай-консультационнай пууннарыгар 115 хаайыылаах үөрэҕин түмүктээтэ. Бу туһунан РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.

edersaas.ru


Кинилэртэн 11-с уонна 12-с кылаастарга үөрэммит 97 киһи нуучча тылыгар уонна математикаҕа судаарыстыбаннай эксээмэннэри, оттон 9-с кылаас 18 үөрэнээччитэ ити предметтэри таһынан, эбии өссө икки эксээмэни талан туттарбыттар, ол — биология, география, информатика уонна обществознание предметтэриттэн.

Син атын оскуолаларга курдук, нуучча тылыгар өйтөн суруйуу хабааннаах изложение, оттон математикаҕа — сорудахтары толоруу.

Сотору кэминэн үөрэхтэрин бүтэрбиттэргэ ону туоһулуур докумуоннары туттарыахтара, онно ханна үөрэммиттэрэ ыйыллыбат. Хаайыыттан босхолонон тахсыахтарыгар диэри ол аттестаттара тус докумуоннарыгар хараллан сытыахтара.

Накаастабылы толорор управление пресс-сулууспата бэлиэтииринэн, РФ Холуобунай-исполнительнай кодексатын ирдэбилинэн, 30-гар диэри саастаах киһи хайаан да үөрэниэхтээх, онно сөптөөх усулуобуйа тэриллиэхтээх. Ити үөрэнэрэ биһирэбил быһыытынан учуоттанар.

Вера МАКАРОВА, «Саха сирэ» хаһыат, edersaas.ru

Хаартыска: Накаастабылы толорор управление пресс-сулууспата 

2
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

2 × 2 =