Хаайыылаахтар баһаарынай куурсугар үөрэннилэр

Ааптар: 
Бөлөххө киир:

Дьокуускай куорат Очиченко уулуссатыгар баар 1 №-дээх кытаанах эрэсиимнээх холуонньаҕа буруйдарын боруостаан олорооччулар баһаарынай куурсугар үөрэҕи баран бүттүлэр.

edersaas.ru

Бу холуонньа дьаһалтата РФ Ыксаллаах быһыыга-майгыга министиэристибэтин Саха сиринээҕи управлениетыгар сайаапка түһэрбит. «Добровольнай баһаарынай хамаанда баһаарынайа» уонна «баһаарынай массыына суоппара» диэн исписээлинэстэринэн хаайыылаахтары бэлэмнииргэ-үөрэтэргэ төһүү буолалларыгар көрдөһөн.

Кууруһу ГУ МЧС үөрэтэр киинин преподавателэ Дмитрий Дудко уонна  бу холуонньа баһаарынай чааһын начаалынньыгын эбээһинэһин быстах кэмҥэ толорооччу Валентин Гуляев ыыппыттар.

Дьарыктарга хаайыылаахтар баһаарынай дьыала төрүттэрин, баһаарынай тиэхиньикэни туттуу бэрээдэгин үөрэппиттэр. Ону сэргэ, анал кирилиэһинэн, уоту умулларар тэриллэринэн хайдах туттары барытын дьиҥнээхтик толорон көрбүттэр.

Үөрэхтэрин бүтүүтүгэр, теоретическай уонна практическай зачеттары туттарбыттар.

Бэлиэтээн эттэххэ, бу хаайыылаахтар баһаарынай куурсугар үөрэнии туһунан дастабырыанньалары ылбыттарынан, баһаары умулларыыга кыттар кыахтаннылар. Итиэннэ босхолонон таҕыстахтарына, бу ылбыт билиилэрэ туһалыан сөп.

Бу туһунан РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыскалар: РФ Накаастабылы толорор федеральнай сулууспатын Саха сиринээҕи управлениетын пресс-сулууспата.

+1
0
+1
0
+1
0
+1
0
+1
0
+1
0
+1
0