Хаайыы олбуоругар бобуулаах маллары быраҕа сатаатылар...
Бэрээдэк - Олох-дьаһах

Хаайыы олбуоругар бобуулаах маллары быраҕа сатаатылар

Холуонньаларга буруйдарын боруостаан олорооччуларга бобуулаах маллары киллэрэ, аҕала, олбуор нөҥүө быраҕан тиэрдэ сатааһын түбэлтэлэрэ дөрүн-дөрүн тахсаллар. 

Вера МАКАРОВА, «Саха сирэ» хаһыат, http://www.edersaas.ru/  

Ол эбэтэр, суотабай төлөпүөнү, итирдэр утаҕы, наркотигы, харчыны, уо.д.а. сокуонунан көҥүллэммэт маллары.

Итинник биир түбэлтэ Улахан Мархаҕа баар 5 №-дээх көннөрөр-эмтиир холуонньаҕа таҕыста. Манна кимнээх эрэ 3 л испиирдээх утахтаах үс пластиковай бытыылканы уонна түөрт суотабай төлөпүөнү хатыылаах боробулуохалаах олбуор нөҥүө бырахпыттар («перебросы» дэнэр).

Ону харабыл өйдөөн көрөн, тута онно оперативниктар тиийэн, ол маллар хаайыылаахтарга тиийбэтэхтэр.

Оттон бобуулаах маллары быраҕа сатаабыт дьону кыайан туппатылар — кэтэһэн турбут массыынаҕа олороот, куота турбуттар.

Бу чахчынан сулууспанан бэрэбиэркэ ыытылларын РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.

 

Вера МАКАРОВА, «Саха сирэ» хаһыат, http://www.edersaas.ru/  

Хаартыска: УФСИН пресс-сулууспата.

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

15 − 9 =