Хаайыы көннөрбөтөх түөкүттэрэ төттөрү «дойдулаатылар»

Ааптар: 
Бөлөххө киир:

Билигин албын-түөкэй дьон элбээбит, суобас диэн умнуллубут кэмигэр олоробут. «Ааһан иһэн» албынныахтарын сөп. Өс киирбэх дьон оннукка түргэнник киирэн биэрэр.

Вера МАКАРОВА, «Саха сирэ» хаһыат, https://edersaas.ru/ 

Түөкүннээһиҥҥэ буруйдаммыт икки киһи холуобунай дьыалатыгар суут бириигэбэрдэрэ тахсыбытын СӨ Борокуратууратын пресс-сулууспата иһитиннэрэр.

Бастакы дьыала. 2016 сыл кулун тутар ыйыгар 24 саастаах киһи биллэрии сайтарын кэтээн олорон, массыына саппаас чаастарын атыылыыр дьоҥҥо «хараҕын хатаабыт»: атыылаһааччыларга эрийтэлээн, кинилэр көрдүүр саппаас чаастарын Владивосток куораттан атыылаһар уонна аҕалар кыахтааҕын этэн, тылыгар киллэрэн, «Киви» (Qiwi) нөҥүө харчыларын ыыттарбыт.

Барыта 8 киһини албыннаан, кинилэргэ уопсайа 136 тыһ. 200 солк. хоромньу оҥорбут.

Бу киһи хаайыыга олорон, ити өссө биир буруйу оҥорон, 5 сылга кытаанах режимнээх холуонньаҕа көҥүлэ быһыллыбыт.

Иккис дьыала.  2016 сыл атырдьах ыйыгар хаайыыттан босхоломмут 28 саастаах киһи ити сыл сэтинньитигэр икки кыбартыыра куортамнаабыт. «Биир сууккаҕа ылабын» диэн хаһаайыттары албыннаан баран, ол кыбартыыралары атын дьоҥҥо уһун кэмҥэ куортамҥа биэртэлээбит. Бу түөкүн суут уурааҕынан 2 сылга кытаанах режимнээх холуонньаҕа көҥүлэ быһыллыбыт.

«Без лоха жизнь плоха» диэн санаанан салайтарар оҕуруктаах өйдөөх, албын-көлдьүн дьон ити икки киһинэн бүппэт, онон, үпкэ-харчыга сыһыаннаахха барытыгар болҕомтолоох буолуоххайыҥ.

Вера МАКАРОВА, «Саха сирэ» хаһыат,https://edersaas.ru/

Хаартыска: интернеттэн.

+1
0
+1
0
+1
0
+1
0
+1
0
+1
0
+1
0