Бүтэһик хонукка 179 киһи коронавирус дьаҥыттан үтүөрбүтэ, өрөспүүбүлүкэҕэ балаһыанньа көнөн эрэрин көрдөрөр диэтэ бүгүн, бэс ыйын 30 күнүгэр, брифиҥҥэ Ил Дархан Айсен Николаев.
Коронавирус дьаҥа туруоҕуттан, биир хонукка бачча элбэх киһи өссө үтүөрэ илигин бэлиэтээн эттэ. Манна кини өрөспүүбүлүкэҕэ тиэһи оҥоруу дойдуга үчүгэй көрдөрүүлээҕин бэлиэтээтэ. Балаһыанньа этэҥҥэ тупсан иһэр түбэлтэтигэр, РФ Роспотребнадзора сөбүлэстэҕинэ, от ыйын 2 күнүттэн өрөспүүбүлүкэҕэ хааччахтыыр сорох миэрэлэри устуу иккис түһүмэҕэ саҕаланыаҕын сөбүн эттэ.
Оччотугар атыы-эргиэн кииннэрэ (фуд-корда, оонньуур былаһааккалара суох) үлэлиэхтэрэ. Ону сэргэ, сайыҥҥы кафелар, бибилэтиэкэлэр, музейдар, туристическай баазалар уонна сынньалаҥ баазалара үлэлиэхтэрэ.
Туох баар санитарнай-эпидемиологическай миэрэлэр, ирдэбиллэр салгыы тутуһулуннахтарына, барыта этэҥҥэ буоллаҕына, пляжтар үлэлэрэ кытары көҥүллэниэн сөбүн эттэ.
+1
+1
+1
+1
+1
+1
+1