Коронавирус дьаҥа тарҕанар кутталыттан оскуола оҕолоро дьиэлэригэр олорон үөрэнэллэр.
edersaas.ru
Ити эрээри үөрэнээччи эрэ барыта дьиэтигэр көмпүүтэрдээх буолбатах. Холобур, Хаҥалас улууһун оскуолаларыгар 4857 оҕо үөрэнэриттэн Үөрэх управлениетын чахчытынан, 1914 үөрэнээччи көмпүүтэрдээх (ноутбуктаах), 496 оҕо планшеттаах. Оттон смартфону туттуу аныгы санитарнай нуорманан хааччахтаах уонна иһитиннэрэр платформаны толору туһанар кыаҕы биэрбэт. Инньэ гынан, тэйиччиттэн үөрэнэргэ үгүс оҕо көмпүүтэргэ наадыйара билиннэ. Ити иһин, «ДьиэҕэҮөрэнэргэКөмөлөс» диэн Бүтүн Арассыыйатааҕы аһымал санаа аахсыйатыгар кыттыһан, үөрэх управлениета хаачыстыбалаах үөрэтиини тэрийэр сыалтан улуус олохтоохторугар ыҥырыы таһаарда.
Ыҥырыыны биир бастакынан өйөөн, Покровскай орто оскуолатын 1981 с. бүтэрбит Арианда Ефимова үөрэммит кыһатыгар көмпүүтэр (системнай блок уонна монитор) аҕалан бэлэхтээтэ.
Ону тутар пуун аах быһыытынан ылан, бэрэбиэркэлээн баран, көмпүүтэргэ наадыйар оҕоҕо биэрдэ. Санатан эттэххэ, көмпүүтэри тутар пууннар хас оскуола ахсын тэриллэн үлэлээн эрэллэр.
Раиса Сибирякова, «Саха сирэ» хаһыат, edersaas.ru