Нэдиэлэтээҕи гороскоп (ыам ыйын 28 — бэс ыйын 4 күннэрэ)...
Олох-дьаһах - ЭС - маны аах

Нэдиэлэтээҕи гороскоп (ыам ыйын 28 — бэс ыйын 4 күннэрэ)

Хой

Самаан сайын салаллыыта тус олоххор үтүө эрэ өттүнэн дьайыыһык. Сырдыкка, үтүөҕэ талаһыыҥ ситиһиилээх буолуоҕа. Чугас дьонуҥ үтүө сонуну кэпсээн үөрдүөхтэрэ. Харчыҥ да сөбүгэр баар.

 

 

Оҕус

Дьиэ ис-тас үлэтигэр сөптөөх кэм. Оҕуруот олордуута, оҕолор түбүктэрэ барыта тэҥҥэ дьайан доруобуйаҕар охсуон сөп. Ол иһин хара үлэни билэн-көрөн үлэлиириҥ ордук.

 

 

Игирэлэр

Олоххор саҥа түһүмэх үүммүт. Бу түһүмэх салгыы сайдаргар, талааҥҥын арыйаргар үктэл буолуоҕа. Онон саҥа этии киирдэҕинэ уһуннук толкуйдаабакка сып-сап хамсанан иһэриҥ наада.

 

 

Араак

Аҕам саастаах аймахтарыҥ эйиэхэ хомойо саныыллар эбит. Урукку өттүгэр хомоппут эбэтэр көрдөһүүлэрин аахайбатаҕыҥ өр кэм устата суобаскар оонньуоҕа. Онон итини туоратарга кыһан.

 

 

Хахай

Элбэх дьонноох-сэргэлээх сиртэн арыый тэйиччи туттан, арыый бүгэр, сынньанар кэм үүммүт. Айылҕалыын алтыһыы, дьиэ кэргэни кытта сынньаныы дорубуйаҕар үтүө өттүнэн дьайыаҕа.

 

 

Кыыс

Санааҕын кыраттан түһэрэр эбиккин. Чугас дьонуҥ эн тускар кыһаналлар, өйүүргэ бэлэмнэр. Бэйэ бодотун тардынан, сэмэйдик сылдьар кэм. Баҕа санааларыҥ кэмигэр туолуохтара диэн сулустар кэпсииллэр.

 

 

Ыйааһын

Саҥа толкуйуҥ ситиһиилээх буолуоҕа. Харса суох хамсанарга, саҥаны саҕалыырга күүстэ-уохта ылын. Чугас дьонуҥ ситиһиилэринэн үөрдүөхтэрэ.

 

 

Скорпион

Тууйуллубут санааҕын чугас дьоҥҥун кытта аһаҕастык кэпсэтэ үөрэн. Эн ис санааҕын сатаан аһаҕастык кэпсээбэккэ эрэйдэнэр эбиккин. Бу күннэргэ түһээбит түүллэриҥ иччилээх буолуохтара.

 

 

Охчут

Эн тускунан соччото суох хоп-сип тарҕаныан сөп. Эйиэхэ ордук санааччы элбэх эбит. Урукку, хойукку доҕоттор күөрэс гыныахтара. Көмөлөһөргө да бэлэмнэр баар буолуохтара. Онон олох салҕанар диэн санаалаах самаан сайыны көрсөр ордук.

 

Чубуку

Сөптөөхтүк сынньаммыккын. Онон саҥалыы күүһүнэн үлэҕэ оройгунан түһүүһүккүн. Саҥа мал-сал атыылаһан эбэтэр дьиэ өрөмүөннээн санааҥ көтөҕүллүө.

 

 

Күрүлгэн

Үп-харчы оҥорон дьиэ бүдьүөтүн бөҕөргөтөргө олус тоҕоостоох кэм. Эбии харчылаһар саҥа хайысхалар көстүөхтэрин сөп. Онон толкуйдуу олорбокко киирбит этиилэри ылынар ордук.

 

 

 

Балыктар

Ким эрэ эйигин саныыр, онтон туоххаһыйар эбит. Арай эн үлэҕэр аһары үлүһүйэн олоххо туох буола турарын аахайбаккын. Дьиҥэ, истиҥ сыһыан суоҕуттан ардыгар соҕотохсуйаргын чопчу өйдүүгүн.

edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

3 × 5 =