Хой
Туруоруммут сыалгын ситиһэргэр чугас дьонуҥ көмөлөһүөхтэрэ. Доруобуйаҕын харыстана сылдьарыҥ наада. Дьаҥ-дьаһах батыһыан сөп. Эрдэттэн маны туоратарга кыһан.
Оҕус
Урукку доҕотторгун көрсөн үөрүөҥ-көтүөҥ. Бырааһынньыкка ыҥырылыннаххына аскын-үөлгүн көрүнэриҥ наада. Бу күннэргэ тиэхиньикэҕэ чугаһаама. Эчэйиэххин сөп.
Игирэлэр
Кэлиҥҥи кэмҥэ наһаа эппиэтинэһэ суох буолбуккун. Тулалыыр дьонуҥ ону өйдөөбөттөр. Оттон ис дьиҥэр киирдэххэ, эн наһаа сылайбыккын. Онон быыс булан сынньана сатаа.
Араак
Дьоҥҥо наһаа эрэнэн ис санааҕын кэпсиириҥ атын өттүнэн эргийиэн сөп. Онон арыый бэйэ бодотун тардына сырыт. Докумуон толорууга сэрэхтээх буол. Албыннатыаххын сөп.
Хахай
Ночоокко киириэххин баҕарбат буоллаххына бу күннэргэ саҥа тугу да саҕалаабатыҥ ордук. Тулалыыр дьонуҥ эйигиин кэтииллэр, ситэри билбэт дьонуҥ угаайыларыгар киирэн биэриэххин сөп.
Кыыс
Айылҕаҕа сылдьыаххын, дуоһуйа сынньаныаххын саныыгын. Ол эрээри үлэ күөстүү оргуйар. Тохтуу түс. Сотору баҕа санааҕын толороргор тоҕоостоох түгэн тосхойуо.
Ыйааһын
Бэйэ доруобуйатыгар болҕомто уурарга, билиини хаҥатарга уолдьаспыт. Дьиэ-уот кыһалҕата кыһарыйбыт. Улахан кирэдьииккэ киирэртэн туттунуҥ.
Скорпион
Наһаа күүстээх ньэгирдээх эбиккин. Ол эрээри ол ис кыаххын сатаан туһаммакка тулалыыр дьоҥҥор кыыһырар-абарар буолбуккун. Айылҕаҕа сылдьан сынньанан холкутуйар наада.
Охчут
Аҕам саастаах дьоҥҥо олус хаҕыс сыһыаннааххын. Эйиэхэ хом саныыр дьон баар эбит. Онон аймахтары хомоппот туһуттан арыый киэҥ көҕүстээх буоларга кыһан.
Чубуку
Сыалгын-соруккун ситиһэргэр чугас дьонуҥ көмөлөһүөхтэрэ. Бэйэҕэр бүгэн хаалыма. Саҥа саҕалааһыннар ситиһиилээх буолуохтара.
Күрүлгэн
Дьон ытыктабылын сүтэрбэт туһуттан эрдэттэн кыһан. Дьоҥҥо болҕомтолоох сыһыан, кыра да буоллар көмө махталлаах буолуоҕа.
Балыктар
Хобу-сиби наһаа сэҥээрэр буолбуккун. Ити хаһан даҕаны үчүгэйинэн дьайбатаҕа. Онон ис туруккун сэргэхтик, ыраастык тутан сырыт диэн сулустар сүбэлииллэр.
edersaas.ru