Германияҕа — саха чэйэ!

Ааптар: 
Бөлөххө киир:

Тохсунньу 17 күнүгэр Берлиҥҥэ “Күөх нэдиэлэ” (Grüne Woche) диэн ас-үөл аан дойдутааҕы быыстапка-дьаарбаҥката үлэтин саҕалаата.

Бу быыстапка-дьаарбаҥканы Messe Berlin GmbH диэн быыстапкалыыр фирма 1926 сылтан саҕалаан тэрийэр, ол эбэтэр быйыл 85-с төгүлүн ыытар. Араассыыйа экспозициятын Арассыыйа Тыатын хаһаайыстыбатын министиэристибэтэ уонна Арассыыйатааҕы экспортнай киин оҥордулар. Биэс тыһыынча кыбадараатынай миэтэрэ иэннээх былаһааккаҕа 18 эрэгийиэн уонна 250 эспиэрдиир хампаанньа бэйэлэрин бородууксуйаларын тартылар. Манна бааллар хаачыстыба да, экология да өттүнэн аан дойду ирдэбиллэригэр эппиэтиир бурдук, үүт-эт, балык ас эгэлгэтэ, арыы арааһа, мүөт уо.д.а.

Саха сириттэн бу улахан түһүлгэҕэ “САХАЧАЙ» (Заморщикова Н.Ю. биирдэм тэрилтэтэ) кытынна. Быыстапка кыттыылаахтарыгар уонна ыалдьыттарыгар тыйыс айылҕалаах, уһун тымныы кыһыннаах, кылгас сайыннаах Саха сиригэр анал оттору хомуйан, хатаран, чэйи оҥоруу, чэйи бардарыы үгэстэрин, чэйи иһии сиэрин-туомун билиһиннэрдэ диэн Тыа хаһаайыстыбатын министиэристибэтин пресс-киинэ иһитиннэрэр.

Раиса Сибирякова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0