Биһиги кэммит уһулуччулаах дуобатчыта, аан дойду уон биир төгүллээх чөмпүйүөнэ, гроссмейстер Гаврил Колесов ахсынньы 20 күнүгэр Аллара Бэстээхтээҕи Тырааныспар техникумугар күнүс 16.00 чаастан дуобакка сеанс биэриэҕэ. Манна аҕыйаабыта сүүс киһи кыттыан сөп.
edersaas.ru
Тэрээһин бырагыраамата аҥаардас сеансынан эрэ муҥурдуммат. Ол курдук, гроссмейстер ахсынньы 20 күнүгэр 14 чаастан Тырааныспар техникумун устудьуоннарын кытта көрсүөҕэ. Сеанс кыттааччыларын регистрациялааһын күнүс 15 чаас 30 мүн. саҕаланыаҕа. 16 чаастан техникум аактабай саалатыгар аан дойду чөмпүйүөнэ Гаврил Колесовы кытта сеанс арыллыытын үөрүүлээх чааһа буолуоҕа.
Сеанска аан дойду чөмпүйүөнүн кыайбыт биир бастыҥ дуобатчыкка, Гаврил Колесов бастакы тириэньэрэ Николай Николаевич Кычкин биир дойдулаахтара — Дойду нэһилиэгин (Мэҥэ Хаҥалас улууһа) олохтоохторо, ИП Федотов маҕаһыыннарыттан табаар ыларга 10000 солк. суумалаах сэртипикээти бириис быһыытынан туруордулар.
Кэлиҥ! Кыттыҥ! Саҥа дьылга бэлэхтэ оҥостуҥ!
Тэрийэр бөлөх.
+1
+1
+1
+1
+1
+1
+1