Ахсынньы 22 күнүгэр Намҥа гаас турбата эстибит биричиинэтэ турба эргэриитэ диэтилэр «Сахатранснефтегаз» бэрэстэбиитэллэрэ. Эстибит турбаны улаханнык өрөмүөннүүргэ ыксал суох. Бу турба саппаас быһыытынан сылдьыбыт. «Сахатранснефтегаз» үһүс турбаны ситэри оҥорон бүтэрэригэр 4,6 млрд солк. наада.
Эстибит гаас турбата 1967 сыллаахха тутуллубут. Ситим гаас хостонон саҕаламмыт сириттэн Уус Бүлүүттэн тардыллыбыт. Бу ситим барбыт сиринэн 2000 сыллар саҕаланыахтарыттан үһүс турба тутуута бара турар. «Билигин биһиги сүрүн сорукпут үһүс турбаны ситэри тутан үлэҕэ киллэрэрбит. Оччоҕуна эстии тахсыбыт турбатын туттан бүтүө этибит»,-диир «Сахатранснефтегаз» сүрүн инженера Александр Гоголев.
Николай Попов, «Саха сирэ» хаһыат, edersaas.ru
+1
+1
+1
+1
+1
+1
+1