Төрүт Сокуоҥҥа уларытыылары киллэрэр куоластааһын туһунан Саха Өрөспүүбүлүкэтин үөрэҕириитин үтүөлээх үлэһитэ, Учууталлар учууталлара, педагогика билимин хандьыдаата, Дьокуускай куорат олохтооҕо Февронья Егорова санаатын үллэстэр:
– Дойдубут Конституциятыгар көннөрүүлэри киллэрии боппуруостарынан өрөспүүбүлүкэбит бастакы бэрэсидьиэнэ, ытык киһибит Михаил Ефимович Николаев бэчээккэ икки тылынан таһаартарбыт санаатын олус биһирии аахпытым. Көннөрүүлэри киллэриини өйүүргэ диэн бигэтик быһаарыммытым.
Онон, кырдьык да «бука бары биир оҥочоҕо олорорбут быһыытынан», Ийэ дойдубут – Арассыыйа өссө күүскэ сайдарын туһугар, төрөөбүт-үөскээбит Сахабыт сирэ тэҥинэн эмиэ күүскэ сайдарыгар улаханнык эрэнэн туран, куоластаатым.
Иван Ксенофонтов, «Саха сирэ» хаһыат, edersaas.ru
+1
+1
+1
+1
+1
+1
+1