Фермер Татьяна Скрябина: Конституцияҕа уларытыыларга урбаанньыттары, дьэ, аҕыннылар
Мин, эдэр фермер, дойдубут бэрэсидьиэнин өйүүбүн, кини тыа хаһаайыстыбатын сайдыытыгар болҕомтотун туһаайда уонна фермердэри өйүүргэ дьулуһар. Маннык өйөбүл федеральнай уонна өрөспүүбүлүкэ таһымыгар ууруллар. Үгүс бырагыраамалар көмөлөрүнэн фермердэр производственнай кыахпытын кэҥэтэбит, үлэбитин уларыта тутабыт. Өйөбүл кээмэйэ сүүһүнэн миллиард солкуобайга тэҥнэһэр. Соторутааҕыта Владимир Путин бэйэтин туһаайыытыгар өйөбүл тыа хаһаайыстыбатын бары хайысхаларыгар ууруллуоҕа, бөдөҥ уонна фермерскэй хаһаайыстыбаларга көмөлөһүөхпүт диэбитэ.
Конституция 1993 сыллаахха суруллубута. Уларытыылары киллэрэр хайаан да наада диибин. Куттанар уонна долгуйар табыллыбат. Маны сэргэ Конституцияҕа уларытыыларга аан бастаан урбаанньыттары аҕыннылар. Өскөтүн от ыйын 1 күнүгэр куоластааһын түмүгүнэн уларытыылары ылыннахтарына, 114 ыстатыйа 1 чааһа маннык пуунунан эбиллэн биэриэҕэ: “(Арассыыйа Федерациятын Бырабыыталыстыбата) … урбааны сайыннарыыга уонна кэтэх көҕүлээһиннэргэ көмөлөһөр”. Судаарыстыба биһигини көмүскүөҕэ, өйүөҕэ, фермердэр, урбаанньыттар элбииллэрин туһугар. Миэхэ уонна дьиэ кэргэммэр бу дьоһун суолталаах. Ол иһин Конституцияҕа уларытыылары киллэриини өйүүбүн.
Сахагов
Бэлэмнээтэ Женни Стрюкова
Хаартыска: саайтан