Кэбээйи улууһун Сангаар бөһүөлэгэр үс кырдьаҕаһы иитэ ыллылар. Социальнай управление нөҥүө маннык бырагыраама үлэлиэҕиттэн, соҕотох хаалбыт кырдьаҕастар дьиэ кэргэн сылааһын, оҕо, сиэн тапталын биллилэр.
Фаина Петровна Башкова үлэ тыыл бэтэрээнэ. Кини 2017 сыллаахха Любовь Захарова уонна Иван Травкин дьиэ кэргэнигэр эбээ быһыытынан көһөн кэлбитэ.
Фаина Петровна Билютай бөһүөлэгэр Бурятияҕа төрөөбүтэ. 1973 с икки уол оҕотун, кэргэнин кытта Сангаарга көһөн кэлбиттэрэ. Биэнсийэҕэ хара тахсыар диэри авиапорка тас үлэһитинэн үлэлээбитэ. Оҕолоро уонна кэргэнэ бу олохтон барбыттара тоҕус сыл буолбут.
Оҕо сааһыттан онто да суох ыарахан үлэҕэ сылдьыбыт Фаина Петровна, доруобуйатыгар онтон охсууну эмиэ ылбыта. Сокуон хараҕынан, иитэ ылар дьиэ кэргэҥҥэ, чахчы, тулаайах эрэ хаалбыт кырдьаҕастар кэлэллэр. Соҕотох хаалбыт кырдьаҕаһы көрүү иһин, дьиэ кэргэҥҥэ ый ахсын 20701 солкуобай хамнас төлөнөр. Үлэ уонна социальнай сайдыы министиэристибэтэ улуустарга үлэлиир социальнай управлениелары кытта билигин, соҕотох хаалбыт кырдьаҕастары олохтуурга сайаапка хомуйар. Аан бастакынан, иитэр интэринээт-дьиэҕэ олорор кырдьаҕастары олохтууллар.
Маны сиһилии билиэн баҕалаахтар биир кэлим нүөмэргэ эрийэн билсиэххитин сөп: 88001001403
СИА-ттан Ульяна Захарова тылбаастаата,
«Саха сирэ» хаһыат, edersaas.ru