Бырабыыталыстыба бөлөҕө Мииринэй оройуонугар тиийдэ. Премьер Евгений Чекин Чернышевскай бөһүөлэгэр баар Мииринэйдээҕи кырдьаҕастар уонна инбэлииттэр интэринээт-дьиэлэригэр сылдьан, үлэни-хамнаһы билистэ.
Ангелина Васильева, “Саха сирэ” хаһыат, edersaas.ru
Бу 2 этээстээх дьиэ 2006 сыллаахха бары ирдэбили, нуорманы тутуһан тутуллубут. Дириэктэр Валентина Шпиль этэринэн, интэринээккэ эмтиир физкултуура сүрүн хайысханан буолар. Манна толору анал тээбириннээх үс ЛФК саалата үлэлиир.
Премьер сытар дьон отделениеларын, остолобуойу, ас сыаҕын, куукунаны, таҥас сууйар, өтүүктүүр, ууну ыраастыыр, аһы харайар сирдэри көрөн баран, олорорго уонна эмтэнэргэ бары усулуобуйа баар эбит диэн түмүккэ кэллэ. Ыраас хостору, ас элбэҕин, үлэһиттэр таһымнара үрдүгүн бэлиэтээтэ.
Интэринээккэ 48 киһи олорор, орто саастара – 74. Манна барыта 43 киһи үлэлиир.
Ангелина Васильева, “Саха сирэ” хаһыат, edersaas.ru