Евгений Чекин Амма, Чурапчы, Таатта улуустарынан сылдьар

Бөлөххө киир:

Премьер-миниистир Евгений Чекин бүгүн Амма, Чурапчы уонна Таатта улуустарынан сылдьан, халаан уутугар бэлэмнэниини бэрэбиэркэлиир. Билигин Чурапчы Мындаҕаайытын нэһилиэнньэтин кытары көрүстэ. Салгыы Таатта Харбалааҕар тиийэн мунньах ыытыаҕа.

Билигин Амма улууһугар ыксаллаах быһыы-майгы биллэриллэн турар. Ону таһынан биэс улууска, ол иһигэр Тааттаҕа, Чурапчыга, халаан уутугар бэлэмнэнии бара турар. Бүгүҥҥү туругунан, Амма өрүс мууһа Амма, Чурапчы улуустарынан ааһан иһэр. Өрүс үөһээҥҥи кирбиититтэн анньан иһэр муус Амма нэһилиэгиттэн саҕаланар. Манна уу таһыма сарсыардааҥҥы туругунан, 1065 см тэҥнэспит. Уу муҥутуур кирбиитэ 925 см диэри тиийиэхтээҕэ. Муус алын өттө Чурапчы Мындаҕаайытыгар тиийдэ. Сарсыарда 9 чаастааҕы туругунан, уу таһыма 1217 см (муҥутаан 1350 см диэри) буолбут.
Амма улууһугар 4 нэһилиэнньэлээх пуун ууга барда. Билигин Чурапчы, Таатта улуустарыгар өрүс кытыытыгар сытар нэһилиэктэри эмиэ уу ылар кутталлаах. Онон бу улуустарга бэлэмнэнии өссө кытаатта.

Аграфена КУЗЬМИНА, edersaas.ru

+1
0
+1
0
+1
0
+1
0
+1
0
+1
0
+1
0