Эргэ мотуортан — эт эрбиир тэрил

Ааптар: 
Бөлөххө киир:

 Командировкаҕа сылдьан, туох интэриэһинэйи көрбүппүн-истибиппин тиһэ, суруна сылдьар үгэстээхпин. Бу биир оннук суруммуппуттан билиһиннэриэхпин баҕарабын. Бүлүү улууһун Чинэкэ нэһилиэгин олохтооҕо Реворий Протопопов эт эрбиир электрическэй станокка наадыйбыт. Атыылаһаары көрдөөн, интернети биир гына бараабыт.

edersaas.ru


Наадалаах тэрил сыаналарын көрөөт, чаҕыйбыт. 130 тыһ. солк. көрдүүллэр эбит. Интернеккэ көрдүүр кэмигэр дьон эт эрбиир станогу бэйэлэрэ оҥостоллорун сонургуу көрбүт: “Мин да оҥостон көрүөхпүн сөп эбит ээ” дии санаабыт. Дьарыктанан барбыт.

Хайдах оҥостуохха?

Боростуой швеллер тимири булууттан саҕалаабытым. Төкүнүктэрин фанеранан оҥорбутум. Маҕаһыынтан эрбиитин эрэ атыыласпытым. Уоннааҕытын тимир лиистэн кырыйан оҥорбутум.

Сэбиэскэй кэминээҕи биир фазалаах ынах ыыр аппарат электромотуорун туһанным. Мин дьонум ыыр аппарааттаахтар этэ. Кэлин бу тэрил туһаттан тахсан, быраҕыллыбыта. Мин үлэлиир мотуору бырахтарбакка, “хаһан эмэ наада буолуо” диэн ууруммутум. Онтум туһаҕа таҕыста.

Тэрилбин көһөрө сылдьар ыарахан. Онон көлүөһэлээбитим. Былырыын кыһыны быһа оҥостон, саас баччаларга бүтэрбитим. Күһүнүгэр туттан, харчыга эт эрбэтэн барбытым. Билигин нэһилиэк барыта сөбүлээн туттар, былдьаһыкка сылдьар тэрил буолла. Бастаан төлөбүрүм сыаната кыра этэ. Кэлин сыанабын бүлүүлэри кытта тэҥнээбитим. Онон бензин уонна саппаас чаас сыанатын бэйэм оҥорбут станогум толуйар, — диэн тыа сирин рационализатора Реворий Протопопов кэпсиир.

Онон кыһалҕаттан күөрэйбит биир толкуй бүтүн нэһилиэги хааччыйар буолбутун бу холобуртан көрөбүт.

Елена ПОТОЦКАЯ, «Саха сирэ» хаһыат, edersaas.ru

Ааптар хаартыскаҕа түһэриитэ.

+1
0
+1
0
+1
0
+1
0
+1
0
+1
0
+1
0