СӨ «ОДьКХ” ГУП диспетчерскэй сулууспата иһитиннэрбитинэн, тохсунньу 15 күнүгэр «Соҕуруу» подстанцияҕа трансформатор арахсан хаалан, Дьокуускай куорат 4850 олохтооҕун уота хааччахтанна. Кинилэри тута быстах кэмҥэ бэриллэр уотунан хааччыйдылар.
Энергетиктэр саахал тахсыбыт сиригэр уот ситимин чөлүгэр түһэрэргэ үлэлии сылдьаллар. Онон иккилии чаас арыттаах куоракка уот барыан сөп диэн сэрэтэллэр. «Соҕуруу» подстанцияҕа үлэлиир кыаҕыттан тахсыбыт трансформаторы уларытыахтаахтар. Ол туһунан СӨ ОДьКХ уонна энергетикэҕэ министиэристибэтин пресс-сулууспата биллэрдэ.
«Саха сирэ», edersaas.ru
+1
+1
+1
+1
+1
+1
+1