Эмиэ оҕолор истэрэ ыарыйда

Бөлөххө киир:

СӨ Роспотребнадзор управлениета иһитиннэрбитинэн, бэҕэһээ, тохсунньу 29 күнүгэр, Өрөспүүбүлүкэтээҕи лиссиэй-интэринээт (Ойуунускай уул. 27) үөрэнээччилэрэ истэрэ ыалдьыбытын туһунан иһитиннэрии киирдэ.

edersaas.ru

Бэҕэһээ, 20 чаас саҕана 34 үөрэнээччи медицинскэй көмөҕө наадыйда. Ол гынан баран, биир да оҕо балыыһаҕа  киллэриллибэтэ. Үөрэнээччилэр туохтан ыалдьыбыттарын билээри, эпидемиологическай чинчийии суһаллык саҕаланна.
Ыалдьыбыт оҕолортон уонна үлэһиттэртэн бактериологическай уонна ПЦР чинчийиигэ анаан, биологическай анаалыстары ыллылар. Лиссиэй-интэринээт астыыр блогар ууттан, ас бэлэм бородууксуйатыттан биологическай матырыйаал ылылынна.
Билигин үөрэнээччилэр уонна үлэһиттэр эмчиттэр кэтээн көрүүлэригэр сылдьаллар.
Хомойуох иһин, бу кылгас кэм иһигэр үөрэнээччилэр истэрэ ыалдьааһынын иккис түгэнэ буолла. Тохсунньу 21 күнүгэр Чурапчы улууһугар Д.П.Коркин аатынан Олимпийскай эрэллэр  өрөспүүбүлүкэтээҕи спортивнай  оскуола-интэринээт үөрэнээччилэрэ уонна үлэһиттэрэ (29 киһи) астан сүһүрбүттэрэ.

Надежда ЕГОРОВА, “Саха сирэ”, edersaas.ru

Хаартыска интэриниэттэн туһанылынна.

 

+1
0
+1
0
+1
0
+1
0
+1
0
+1
0
+1
0