Ыам ыйын 22 күнүгэр өрөспүүбүлүкэҕэ Ньукуолун күнэ, Сайылык күнэ бэлиэтэннэ.
edersaas.ru
Бү үгэстэн Өлүөхүмэ улууһун «Өлүөхүмэ кыладабыайа» ХЭУо туораабата. Эмиэ былырыыҥҥы курдук, үҥкүрдээҕи уонна Өлүөхүмэ Амматынааҕы отделениелар Түбэ учаастагар мустаннар, Сайылык күнүн үөрүүлээхтик бэлиэтээтилэр.
Сахалыы үгэһинэн Алгысчыт аал уоту оттон, Үрдүкү Айыыларга айах тутар сиэри-туому толорбутун кэнниттэн, пиэрмэ үлэһиттэрин улуус баһылыга Николай Харбин, «Туймаада» агрохолдинг генеральнай дириэктэрэ Петр Ефремов, тыа хаһаайыстыбатын улуустааҕы управлениетын начальнига Федор Чердонов, «Өлүөхүмэ кыладабыайа» ХЭУо генеральнай дириэктэрэ Василий Сафонов, нэһилиэктэр баһылыктара Жаргал Содномов уонна Лидия Семенова эҕэрдэлээтилэр.
Хаһаайыстыба генеральнай дириэктэрин солбуйааччы Сергей Несмелов тыл этэригэр, төһө да уустук кыстык аастар, икки пиэрмэ кэлэктииптэрэ кыраапыктан хаалсыбаттарын, үүккэ сыллааҕы былааннарын 20 % толорон иһэллэрин бэлиэтээтэ.
– Ааспыт сылга тэҥнээтэххэ, биир туоннанан элбэх үүтү ыатыбыт, ити буолар биһиги Сайылык күнүгэр бэлэхпит! – диэтэ.
Бастыҥ көрдөрүүлээх, үтүө суобастаахтык үлэлиир ыанньыксыттарга, сүөсүһүттэргэ, ньирэй көрөөччүлэргэ бү күн тыл үтөүтэ ананна, «Махтал суруктар», бириэмийэлэр, сыаналаах бэлэхтэр туттарылыннылар.
Дьоро күнү уус-уран самодеятельность «Надежда» уонна «Селяне» амсаанбылын ырыаһытара киэргэттилэр.
Өлүөхүмэттэн Валерий Малышев, «Саха сирэ» хаһыат, edersaas.ru
Хаартыскаҕа ааптар түһэриилэрэ.