СӨ доруобуйа харыстабылын миниистирэ Елена Борисова Саха сирин Ил Дархана Айсен Николаев Ил Түмэҥҥэ Ыҥырыытыгар бэйэтин санааларын үллэһиннэ.
edersaas.ru
«Саха Өрөспүүбүлүкэтин аҕа баһылыгын Ыҥырыытыгар доруобуйа харыстабыла ураты миэстэни ылла.
Ил Дархан эрэгийиэн бырабыыталыстабытыгар биэрбит сорудахтарыттан биирдэстэринэн үлэтэ суох хаалыы боппуруоһа буолла.
Маныаха кини: “… Хас биирдии эмтиир тэрилтэҕэ, мэдиссиинэ үлэһитигэр ураты болҕомтолоохтук сыһыаннаһарга, үлэтэ суох хаалар дьоҥҥо үлэ булалларыгар элбэх этиини киллэрэргэ”, — диэн тоһоҕолоон бэлиэтээтэ.
«Биһиги бу хайысхаҕа кэккэ дьаһаллары олоххо киллэриэхпит. Ол иһигэр, сарбыйыыга түбэһэн үлэтэ суох хаалбыт дьону хос үөрэтии, идэлэрин үрдэтии, ону сэргэ саҥа сиргэ көһөллөрүгэр уонна үлэ булалларыгар көмөлөһүү киирэллэр. Онуоха билигин дьарыктаах буолуу киинин кытта үлэлиибит», — диэтэ миниистир Елена Борисова.
Надежда ЕГОРОВА, “Саха сирэ”, edersaas.ru