Илиҥҥи экэнэмиичэскэй форумҥа Саха сирин салалтата “Росатом” госкорпорацияны кытта сөбүлэһии түһэристилэр. Докумуон РИТМ-200 саҥа реакторнай установка баазатыгар кыра кыамталаах атомнай электроыстаансыйалары тутууга бииргэ үлэлээһиҥҥэ ананар.
Маннык ыстаансыйалары тутуу уотунан хааччыйыыны көдьүүстээх уонна эрэллээх оҥоруоҕа, өрөспүүбүлүкэ кэккэ оройуоннарын, чуолаан, тэйиччи сытааччылары хааччыйыаҕа.
Өрөспүүбүлүкэ баһылыга Айсен Николаев уонна “Росатом” госкорпорация генеральнай дириэктэрэ Алексей Лихачев экэнэмиичэскэй көдьүүһүн бэлэмнээһиҥҥэ, бырайыактыыр-чинчийэр үлэни ыытар, бырайыак үбүн-аһын быһаарар уонна ыстаансыйалары ханна тутар туһунан дуогабардастылар.
Санатан эттэххэ, “Росатом” Арассыыйа ледокольнай флотугар дьоҕус модульнай реактордары туһаныыга улахан уопуттаах. Соторутааҕыта Чукоткаҕа атомнай уста сылдьар энергоблок барбыта – бу уста сылдьар атомнай сылааһынан-уотунан хааччыйар ыстаансыйа састаабыгар дьиҥнээх энергетическэй эбийиэгинэн буолар.
Бүгүн госкорпорация РИТМ-200 реакторнай установкалаах дьоҕус кыамталаах сирдээҕи атомнай электроыстаансыйа бырайыагын биэрэр. Бу тэйиччи олорор туһанааччыларга туһалаах буолуоҕа. Ыстаансыйа дьоҕуһа уонна модульнайа табыгастаах, түргэнник тутуллар уонна куттала суох.
Саха Өрөспүүбүлүкэтин Ил Дарханын уонна
Саха Өрөспүүбүлүкэтин Бырабыыталыстыбатын пресс-сулууспата.