Электроннай «больничнайы» киһи бэйэтэ толоруон сөп...
Олох-дьаһах - Саха ыала

Электроннай «больничнайы» киһи бэйэтэ толоруон сөп

Кулун тутар 18 күнүгэр дойду кылаабынай санитарнай бырааһа омук дойдуларыттан кэлбит киһи 14 күн устата  булгуччу  «изоляцияҕа» олоруохтааҕын туһунан уурааҕа тахсыбыта. Бу кэмҥэ »больничнай» харчыта төлөнөр. Ону тэҥэ, электроннай «больничнайы» киһи бэйэтэ толоруон сөп буолла. Бэйэтигэр эрэ буолбакка, бииргэ олорор дьонугар эмиэ.

edersaas.ru

Бу сылтан «больничнай лиис» Социальнай страховкалааһын пуондатыттан быһа төлөнөр буолбута. Ол аата, маннык «больничнайга» үлэни биэрээччи, тэрилтэ харчыта буолбакка, пуонда бүддьүөтүттэн төлөнөр.

Электроннай «больничнайы» хайдах толоруохха сөбүй?

1. Социальнай страховкалааһын пуондатын саайтыгар fss.ru киирэн, регистрацияланаҕыт, эбэтэр, gosuslugi.ru портал нөҥүө киириэххэ сөп.

2. »Подать заявление на ЭЛН в случае карантина» диэни баттаан, сайабылыанньа суруйаҕыт.

3. Дааннайдаргытын толороҕут: АААа, төлөпүөн нүөмэрэ, ИНН, медполис, даатата.

4. Харчы ханна түһэрин ыйаҕыт: ‘Мир» каарта, баан счета, эбэтэр буостанан ыыттарыы (перевод). Атын каартаҕа түспэт.

5. Кыраныысса таһыгар сылдьыбыккытын бигэргэтэҕит: »загранпаспорт» бастакы уонна кыраныыссаҕа бэчээт турбут лиистэрин хаартыскаҕа түһэрэн, сканнаан киллэрэҕит. Билиэт, эбэтэр »посадочный талон» хаартыскаларын, эбэтэр омук сириттэн кэлбит киһилиин бииргэ олороргутун туоһулуур докумуоннары, ыспыраапкалары киллэрэҕит.

»Больничнай лиис» икки түһүмэҕинэн түһэр: бастакы төлөбүр 5 үлэ күнүнэн, иккис төлөбүр лиис сабыллыбытын кэнниттэн.

Харантыыҥҥа олорор кэмҥитигэр тумуу сибикитэ билиннэҕинэ, тута »суһал көмө» нүөмэригэр, эбэтэр коронавирус суһал линиятыгар эрийэҕит.

Ангелина Васильева, »Саха сирэ» хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

два + восемнадцать =